IV Concurso Galego de Robótica

Resultados Primeiro Premio

IES Muralla Romana de Lugo. 4º da ESO 64 puntos 

Iago Núñez Lugilde

Kevin Pierre Prado Brun

Ándres Díaz Blanco

Miguel García Viña

Mención especial. 51 puntos IES Muralla Romana de Lugo. 

 Mario Gómez Novo

Tania Mª Seijas Gil

Cristina Fouz Varela

2º premio da ESO

IES Illa de Sarón de Xove 4º da ESO 50 puntos

Melisa García Maseda

Eva Hermida Quelle

Senén Álvarez López

IV Obradoiro e Concurso Galego de Robótica no CEI-Nodus de Lugo

Apúntate xa!  pronto non terás sitio para participar no IV Obradoiro e Concurso Galego de Robótica no CEI-Nodus de Lugo que organiza IGACIENCIA http://www.igaciencia.org co patrocinio de Educabarrié e o Concello de Lugo.

Desde logo a Ciencia e a Robótica en Galego son máis doadas de entender. Tanto que chegan dúas horas para aprender a programar Robots LEGO Nxt Minsdstorms e incluso concursar!

Do día 16 ao 21 de Abril en Lugo no CEI-Nodus. Prensa e notas

A escola de Lago, CRA de Valdoviño

Submitted by escoladelago on Mar, 11/08/2011 - 10:30

O día 7 continuamos co noso inicio á Ciencia:
Miramos como estaba o ovo que puxemos en vinagre o día 3, estaba xa gomoso. Todos o prememos cos dedos como se fora unha pelota de goma pero finalmente estoupou ó poñelo a botar. A pel quedou como unha tea non como unha cáscara. Volvimos a poñer outro ovo en vinagre e o deixaremos máis días para que resista máis os rebotes.

A escola de Lago, Valdoviño, na II semá da Ciencia en Galego

Submitted by escoladelago on Sáb, 11/05/2011 - 01:35

O día 3 iniciamos a semá da Ciencia en Galego
Podedes ver fotos en:
http://obloguedocraesquio.blogspot.com/2011/11/escola-de-lago-sema-da-ciencia-en.html
Empezamos por meter un ovo en vinagre para que dentro duns días bote coma unha pelota. Lograrémolo? Estamos desexando comprobalo!
Fixemos un volcán con bicarbonato e vinagre, con pompas incluidas… e fixemos aplicacións para inchar un globo, para un airbag caseiro, para apagar velas sen tocalas nin soprar…

Sorpresa no laboratorio de Bioloxía

Submitted by mguntinas on Ven, 11/04/2011 - 21:05

Hoxe no IES "As Fontiñas", como xa fixemos o ano anterior, celebramos o "Día da Ciencia en Calego". Unha das actividades foi coñecer o funcionamento dos mecheiros de alcohol e Bunsen e súa aplicación en Bioloxía. A actividade tiña duas partes; a primeira era teórica e a segunda práctica co mecheiro de alcohol, para elo engadíuse metanol ao mecheiro e empapouse a mecha.

Trabalingua e a Área de Normalización Lingüística da Universidade de Vigo organizan cafés-teatro científicos

Submitted by diranl on Xov, 11/03/2011 - 12:43

A asociación de estudantes Trabalingua xunto coa Área de Normalización Lingüística da Universidade de Vigo organizan para mañá, día 4 de novembro, ás 20.30 h, un café-teatro no café Detrás do MARCO, en Vigo.O tema sobre o que se falará é o cerebro. Ademais do actor César Goldi participarán o profesor Casto Rivadulla e o investigador Pablo Arias, ambos os dous do grupo de Neurociencia e Control Motor da Universidade da Coruña .Nas vindeiras semanas estes cafés celebraranse en Pontevedra e Ourense, con temas e participantes diferentes.

Cafés-teatro científicos

Submitted by ofi.normalizacion on Mér, 11/02/2011 - 14:53

A Universidade de Vigo, coa colaboración do Concello de Vigo, organizan tres encontros "café-teatro" en cada unha das cidades con sede da universidade; Vigo, Ourense e Pontevedra.

  • O día 4 de novembro en Vigo no café Detrás do Marco ás 20.30
  • O día 10 de novembro en Pontevedra na Pousada Indiana ás 21.00
  • O día 17 de novemb,ense na cafetaría Auriense ás 21.00

Escola de Lago do CRA "Esquío" de Valdoviño

Submitted by escoladelago on Sáb, 10/29/2011 - 13:10

Queremos facer experimentos doados, baratos e divertidos para nenos de infantil e 1º de Primaria.
Temos elexidos varios sobre volcáns, con velas, de cociña, etc. A maioría son de química pero algún o faremos de física para que poidan entender a diferencia entre estas 2 ramas da ciencia.
Traballaremos tamén sobre as 2 científicas propostas para esas datas.