http://www.usc.es/gl/servizos/snl/dinamizacion/cienciaengalego_2012.html
Día da Ciencia en Galego 2012
Por segundo ano consecutivo, varios centros da USC vanse unir á celebración do Día da Ciencia en Galego, que neste ano 2012 chega á súa terceira edición atendendo á tecnoloxía como eixe temático e fixándose singularmente nas figuras de Leonardo da Vinci e Ramón Verea.
Este conxunto de iniciativas segue o camiño comezado en 2010 coa campaña En galego tamén se fai ciencia (organizada polas tres universidades galegas) e continuado o pasado 2011 cun programa de actividades que se estendeu por oito centros dos campus de Santiago e Lugo.
De cara a este vindeiro ano, están programadas as seguintes actividades:
[Listaxe provisional a día 30 de outubro]:
Biblioteca Intercentros do Campus de Lugo
- Centro de interese Os nosos Leonardos (exposición biobibliográfica sobre Ramón Verea, Ángela Ruíz Robles e Alexandre de Fisterra)
Escola Politécnica Superior, Facultade de Ciencias e Facultade de Veterinaria
-
Visionamento da videoconferencia "Facendo física de partículas polo mundo", organizada pola Facultade de Física (6 de novembro, de 12:30 a 13:30 h, Fac. de Ciencias, Lugo)
-
De Leonardo a nós (7 de novembro ás 11 h, Fac. de Ciencias, Lugo)
Acto que pretende destacar -por medio de presentacións breves- o labor técnico e científico de Leonardo da Vinci e o seu influxo na ciencia moderna e contemporánea.
Presentacións:
- Leonardo: a representación gráfica das súas ideas (Francisco Javier López, Escola Politécnica Superior)
- A anatomía de Leonardo e a actual: similares pero diferentes (Matilde Lombardero, Fac. de Veterinaria)
- Da Vinci: sobre luares cinzentos e planetas afortunados (Manuel Andrade, Escola Politécnica Superior)
- De cómo os autómatas de Leornado da Vinci evolucionaron ata converterse en valiosos compañeiros robóticos (Roberto Iglesias, Facultade de Ciencias)
- Leonardo enxeñeiro: os seus deseños hidráulicos (Montserrat Valcárcel, Escola Politécnica Superior)
Neste acto entregaranse tamén os Premios á calidade lingüística dos traballos académicos e de investigación convocados poas facultades de Ciencias e Formación do Profesorado e pola Escola Politécnica Superior (EPS).
Ademais, tamén se poderán visitar dúas pequenas exposicións:
1. Mostra conmemorativa do bicentenario do nacemento de Antonio Casares, elaborada por Isabel Fernández (Fac. de Ciencias).
2. Centro de interese Os nosos Leonardos, elaborado pola Biblioteca Intercentros
- Visitas guiadas a laboratorios de investigación (7 de novembro ás 13 h, en diversos centros do Campus de Lugo)
Escola Técnica Superior de Enxeñaría
- Conferencia de Xavier Alcalá (Universidade da Coruña) "Da química ás telecomunicacións: novo paradigma do transporte" (xoves 8 de novembro ás 12 h)
Facultade de Físicas
- Videoconferencia "Facendo física de partículas polo mundo" (6 de novembro, de 12:30 a 13:30 h)
Relatores:
- Patricia Conde. Investigadora no LIP de Lisboa e física do experimento ATLAS do CERN.
- Olalla Castro. Profesora no City University en Londres e investigadora en teoría cuántica de campos.
- Abraham Gallas. lnvestigador no CERN e na USC e físico no experimento LHCb do CERN.
- Carlos Salgado. Investigador no CERN e na USC no ámbito do estado da materia nos primeiros instantes do Universo.
- Cibrán Santamarina. Profesor da USC e investigador no experimento LHC do CERN.
Facultade de Matemáticas
- Xornadas de novos investigadores
- Entrega dos premios á calidade dos traballos académicos
- Presentación da rolda de debate Lexi_ga_math, centrada na análise e no debate sobre a terminoloxía matemática en lingua galega.
- Presentación das novas unidades didácticas de matemáticas
- Lanzamento da segunda edición do concurso "Explícoche Matemáticas 2.0"