Ciencia
Carmen Blanco fala sobre Isaac Díaz Pardo
Adxunto o poema e unha foto miña con Isaac no Instituto Galego de Información, diante dun tapiz deseñado por el. Grazas pola atención, bo traballo e un saúdo solidario coas causas de Isaac, Carmen Blanco.
ISAAC SI:
O HOME DA MEMORIA AMOROSA
A Isaac Díaz Pardo, que deseñou outra muralla para a mellor memoria de Lugo.
Nacera con ollos amorosos para mirar o mundo e as mulleres da rúa das Hortas. Non esqueceu nada.
Poemas para ciencia en galego de Claudio Rodríguez Fer sobre Isaac Díaz Pardo
Aquí tes o meu poema a Isaac e, como curiosidade, outro moi anterior que lle dediquei a un científico galego amigo seu, o xeólogo Isidro Parga Pondal. Saúde, ciencia e poesía.
COMPAÑEIRO ANCESTRAL ISAAC DÍAZ PARDO
Compañeiro ancestral Isaac Díaz Pardo:
Escribo ao antigo Castro de Samoedo
sobre o unánime corpo dos galaicos,
outra vez cerámica escachada
a golpes de usura e desmemoria.
Escríboche como ti nos escribías,
Unha cesta de pombas e mazás. Homenaxe a Isaac Díaz Pardo
Xa temos un dos libros claves para celebrar o IV Día da Ciencia en Galego o 4 de novembro de 2013:
Unha cesta de pombas e mazás. Homenaxe a Isaac Díaz Pardo. Editado pola Academia Real Isaac Díaz Pardo.
Pronto teremos aquí algunhas das páxinas do libro. Mércao, o seu valor non ten prezo.
Actividades na escola de Lago
Os programas de radio deste curso tamén están subidos xa, por fin, ó noso ivoox
Isaac Díaz Pardo
No IV día da Ciencia en Galego que imos celebrar ao redor do día 4 de novembro de 2013, dedicada fundamentalmente á Arte e a Ciencia e á Estatística (estamos no Ano Internacional da Estatística), dedicámosllo ao arquitecto Richard Buckminster "Bucky" Fuller (lembraredes o fullereno do II dia da ciencia en Galego) , a Florence Nightingale e e o artista e científico galego, creador de Sargadelos, Isaac Díaz Pardo.
O FITOFALADOIRO
O Herbario SANT e o Instituto da Lingua Galega, ambos da USC, presentan o proxecto Fitofaladoiro, un proxecto educativo en que se integran as áreas de coñecemento da lingua galega, o estudo da cultura tradicional e a botánica.
Este proxecto busca implicar, en principio, os alumnos e os profesores de ciencias e de lingua galega dos centros de ensino medio e bacharelato, aínda que tamén está aberto a todo aquel queira participar nel.
A nosa intención é crear unha rede de recolección de plantas ventureiras, cos seus nomes tradicionais e cos usos que se lles daba.
