Máis do Campus de Lugo


Neste 2014 o Día da Ciencia en Galego dedícase a promover o emprego do galego na física, e a destacar as figuras de Isaac Newton, e José Rodríguez González.

No campus de Lugo, a Biblioteca Intercentros e Proxéctate en Galego queremos celebrar esta data con dúas actividades de divulgación científica en galego ás que vos convidamos a asistir e participar activamente:

1. Martes 4 de novembro. Xornada de divulgación científica

Aínda máis premios polo día da Ciencia en Galego

Premios. Todos os que estades a facer actividades do día da ciencia en galego e as querades comentar por correo a secretaria (arroba) igaciencia.org poderiades recibir un agasallo dun libro galego o día 4 de novembro, despois da videoconferencia de Liz Marzán, cunha única condición adicional: asistir a ese acto para recoller o libro ou enviar a alguén a recollelo a ese acto. Ademais naturalmente de enviar ese correo antes do día 3 ás 10 da mañán, para poder preparar esa entrega de premios.